موضوع شامل عن ميمون

ميمون فيه انواع كثيرة منها المسلم منها اليهودي منها المسيحي منها الي ما عندو ملة ....
وايضا بعيد عن الاديان فميمون فيه بزاف ديال الانواع نذكر منها:
ميمون البواب وهو الي كيفتحو بيه الرحبة الجيلالية وليست الكناوية لان في كناوة كيفتحو الرحبة بميمونة بوابة كناوة البواب هذا الصفة دائما وغالباكيجي فيها على صفة عبد صحيح ومبودر وبيها ايضا كنحلوا بيه حنا الفقها الاستنزال لانه هو الي كيعيط على الملوك وملك اليوم
كاين ميمون عشاق الزين هذا تيكون ملك كيبغي المرا الي تكون زينة وهازة كيدخل ليها يولي معاشر ها
كاين ميمون كحل الشوشة يعني كيجي داير شاشية كحلة ودعها مدلي على كتافو
كاين ميمون كانكا هذا كيجي صحيح تاهو و عظمة والصدر منفوخ وهو صحراوي من الصحرا كيكون مخلوي
كاين ميمون الغمامي هذا قاسح شوية كيضرب مولاه بالحديد وكيمرض مولاه وما معاهش اللعب
كاين كزار كناوة الي هو ميمون الاحمر هذا كيموت على الكبدة سواء خضرة ولا طايبة
كاين با بلال الحبشي مؤذن الميامين ومن السيافة قطاعين الريوس
كاين ميمون البحراوي ديال البحر وهو ميمون الازرق
كاين ولد الكحلة ولد الزنجية ديال الرواضي و القبور الي فيه يكون عزيز عليه الخلوة و الرواضي
كاين ميمون الهاشمي هذا ديال الصحرا راجل شريف وبقدره ومحترم
وكذلك القريشي من صحراوة الي جاو من قريش واستقروا بالمغرب
كاين ميمون بالبيض مول الشد الابيض تاهو من الصحرا
هاد ثلاثة الاخيرين من الشرفا ديال الميامين
كاين الفقيه السوداني مول السلهام الكحل فقيه واش من فقيه سوسي هو
كاين ميمون مول عين التوت عكازو من الياقوت
مول الويدان والغابات مول السلهام الكحل
صاحب النهر الأخضر
صاحب مولاي إبراهيم
الشواشي كحلة تيتان التحريفة تحريفة السلطان
من أعز الميامين عندي
كاع الميامين عزاز عليا وهذا ليه مكانة خاصة
كاين الكحل بو غابة صفر العينين مول الشد كحل والشاقور في اليد غرباوي الحالة مقامه في الغرب
كاين العفريت مول الصخرة
كاين ميمون السوداني
كاين ميمون الخليفي
كاين زوزو ماما
كاين فوفو دمبا
كاين الكوبايلي بالا
كاين ساندية
كاين لاندو
كاين بو جانكة
هادو الأخيرين ديول افريقيا كيكونو رقاق وقاسحين شوية
وكاينين ديال غانا شرفا صالحين
بإختصار عالم ميمون عالم وحدو الي دخل ليه ما يبقى يخرج منه
والي تبلى بيه وعطف عليه ميمون وفتح ليه الباب ما بقى يتلفت لغيره